ମଧୁମେହ ହେଉଛି ବିଭିନ୍ନ ରୋଗର ବଡ଼ କାରଣ। ତେଣୁ ମଧୁମେହକୁ ନିୟନ୍ତ୍ରଣ କରନ୍ତୁ ଓ ସୁସ୍ଥ ରହନ୍ତୁ।
-ରକ୍ତ ଶର୍କରାକୁ ନିୟନ୍ତ୍ରଣ କରିବାକୁ ଉଦ୍ୟମ କରନ୍ତୁ। ଆମେରିକାନ୍ ହାର୍ଟ ଆସୋସିଏସନ୍ ଅନୁସାରେ ସପ୍ତାହରେ ଅତି କମ୍ରେ ୫ ଥର ଅଧ ଘଣ୍ଟାଏ ଲେଖାଏଁ ଏରୋବିକ୍ ବ୍ୟାୟାମ କରିବା ଆବଶ୍ୟକ। ଯଦି ଏଥିପାଇଁ ସମୟ ନଥାଏ ତା’ ହେଲେ ଦିନରେ ୩ ଥର ୧୦ ମିନିଟ୍ ଲେଖାଏଁ ବ୍ୟାୟାମ କରିପାରିବେ।
-କୋଲେଷ୍ଟେରୋଲ ଅତ୍ୟଧିକ ବଢ଼ିଗଲେ ହୃଦ୍ଘାତର କାରଣ ପାଲଟିଥାଏ। ତାକୁ କମାଇବା ଲାଗି ଡାକ୍ତରଙ୍କ ପରାମର୍ଶ ନିଅନ୍ତୁ। ଆବଶ୍ୟକସ୍ଥଳେ ଔଷଧ ଖାଆନ୍ତୁ।
-ଧୂମପାନ, ନିଶାଦ୍ରବ୍ୟ ସେବନ ବନ୍ଦ କରନ୍ତୁ। କାରଣ ଏହାଦ୍ୱାରା ଶରୀରରେ ରକ୍ତପ୍ରବାହ ଠିକ୍ ଭାବେ ହୋଇପାରେ ନାହିଁ।
-ମାନସିକ ଚାପକୁ କମାଇବା ଲାଗି ଯୋଗ, ଧ୍ୟାନ, ପ୍ରାଣାୟମ ପ୍ରଭୃତି ଉପରେ ଗୁରୁତ୍ୱ ଦିଅନ୍ତୁ।
-ସନ୍ତୁଳିତ ଖାଦ୍ୟ ଖାଆନ୍ତୁ। ଅଧିକ ସାଚ୍ୟୁରେଟଡ୍ ଫ୍ୟାଟ୍, ଟ୍ରାନ୍ସଫ୍ୟାଟ୍ ଥିବା ଖାଦ୍ୟକୁ ନା କୁହନ୍ତୁ। ଲୁଣ, ମାଂସ, ଅଣ୍ଡା ପ୍ରଭୃତିକୁ ଖାଇବା କମାଇ ଦିଅନ୍ତୁ। ଫାଇବର ଜାତୀୟ ଖାଦ୍ୟ ଯେପରିକି ପନିପରିବା, ଫଳକୁ ଖାଦ୍ୟ ତାଲିକାରେ ସାମିଲ କରନ୍ତୁ।
-ଯଦି ଆପଣଙ୍କର ଓଜନ ଅଧିକ ଥାଏ ତା’ ହେଲେ ତାକୁ କମାଇବା ଜରୁରୀ। ଏହାଦ୍ୱାରା ରକ୍ତରେ ଶର୍କରାର ପରିମାଣ କମିବା ସହିତ ରକ୍ତଚାପ ବି କମିଯିବ।
-୩୫ ବର୍ଷ ପରେ ବର୍ଷକୁ ଥରେ ହୃଦୟର ପରୀକ୍ଷା କରାଇ ନିଅନ୍ତୁ। ପ୍ରତ୍ୟହ ୭-୮ ଘଣ୍ଟା ଶୁଅନ୍ତୁ।
