କରୋନା ମୁକାବିଲା ପାଇଁ ବାରମ୍ବାର ହାତ ଧୋଇବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ। ଏହା ଯୋଗୁଁ ଆପଣଙ୍କ ହାତ ଶୁଷ୍କ ହୋଇଯାଉଛି କି?
ସୁସ୍ଥ ସ୍ୱାସ୍ଥ୍ୟ ପାଇଁ ହାତକୁ ପରିଷ୍କାର ପରିଚ୍ଛନ ରଖିବା ସମସ୍ତଙ୍କ ପାଇଁ ଜରୁରୀ। କାରଣ ହାତ ବାଟ ଦେଇ ସିଧାସଳଖ ଆମ ଶରୀରକୁ ବିଭିନ୍ନ ପ୍ରକାର ଜୀବାଣୁ ଯାଇଥାନ୍ତି। ଏବେ କରୋନା ଭାଇରସ ସଂକମ୍ରଣ ହେଉଥିବାରୁ ନିଜ ହାତକୁ ସଫା ରଖିବା ଆହୁରି ଜରୁରୀ ହୋଇପଡ଼ିଛି। ବିଶ୍ୱବ୍ୟାପୀ ମହାମାରୀ ସମୟରେ ଜୀବାଣୁ ବିସ୍ତାରକୁ ରୋକିବା ପାଇଁ ସବୁଠାରୁ ସହଜ ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ ଉପାୟ ହେଉଛି ସାବୁନ୍ ଏବଂ ପାଣିରେ ବାରମ୍ବାର ହାତ ଧୋଇବା। ଏନେଇ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ପକ୍ଷରୁ ପରାମର୍ଶ ଦିଆଯାଇଛି।
ହାତ ଧୋଇ ସାରିବା ପରେ କ୍ୟାଣ୍ଡକ୍ରିମ୍କୁ ହାତରେ ଲଗାଇପାରିବେ। ନଚେତ୍ ଆପଣ କିଛି ପେଟ୍ରୋଲିୟମ୍ ଜେଲିକୁ ଆଣି ହାତରେ ୨ ସେକେଣ୍ଡ ପାଇଁ ମସାଜ କରିବେ।
ଯେତିକି ଥର ହାତ ଧୋଇବେ, ତାହାପରେ ହ୍ୟାଣ୍ଡକ୍ରିମ୍ ବା ପେଟ୍ରୋଲିୟମ୍ ଜେଲିକୁ ବ୍ୟବହାର କରିବେ।
ରାତିରେ ଶୋଇବା ପୂର୍ବରୁ ଆପଣ ଗୋଟେ ଚାମଚ ନଡ଼ିଆ ତେଲ ହାତରେ ଲଗାଇ ଶୋଇପାରିବେ। ଏହା ଆପଣଙ୍କ ହାତକୁ କୋମଳ ଓ ମଇଶ୍ଚରାଇଜ୍ ରଖିବାରେ ସାହାଯ୍ୟ କରିଥାଏ।
ହାତ ଧୋଇସାରିବା ପରେ ହାତକୁ ରଗଡ଼ି ରଗଡ଼ି ନ ପୋଛି ଟାଓ୍ଵେଲକୁ ହାତରେ ଚାପି ଦିଅନ୍ତୁ।
ଯଦି ଆପଣଙ୍କ ଘରେ ବଟର ବା ଲହୁଣି ଅଛି, ତେବେ ଆପଣ ହାତରେ ଲହୁଣି ଲଗାଇ ମସାଜ କରିବେ। ଅଧଘଣ୍ଟା ପରେ ହାତକୁ କେବଳ ପାଣିରେ ଧୋଇଦେବେ।
