ଲକଡାଉନ୍ ସରିବା ପରେ ଅନ୍ୟ ରାଜ୍ୟରୁ ଓଡ଼ିଶା ଫେରୁଥିବା ଲୋକମାନଙ୍କ ପାଇଁ ପଞ୍ଜୀକରଣ ବାଧ୍ୟତାମୂଳକ କରିଛନ୍ତି ରାଜ୍ୟ ସରକାର। ବିନା ପଞ୍ଜୀକରଣରେ କୌଣସି ଲୋକଙ୍କୁ ଓଡ଼ିଶା ଭିତରେ ପ୍ରବେଶ କରିବାକୁ ଅନୁମତି ଦିଆଯିବା ନାହିଁ ବୋଲି କୁହାଯାଇଛି।
ଅନଲାଇନ୍ ଜରିଆରେ ଆପଣମାନେ ଏହି ପଞ୍ଜୀକରଣ କରିପାରିବେ। ଏଥିପାଇଁ ଆପଣଙ୍କ କେତୋଟି ସହଜ ଉପାୟ ଆପଣାଇବାକୁ ପଡ଼ିବ।
କେମିତି କରିବେ ପଞ୍ଜୀକରଣ?
- ଏଥିପାଇଁ ଆପଣଙ୍କୁ ରାଜ୍ୟ ସରକାରଙ୍କ covid19.odisha.gov.in ପୋର୍ଟାଲକୁ ଯିବାକୁ ପଡ଼ିବ।
- ଏହାପରେ ସେଠାରେ ‘ପଞ୍ଜିକରଣ ଫର୍ମ ପୂରଣ କରନ୍ତୁ’ ଅପସନରେ କ୍ଲିକ୍ କରନ୍ତୁ।
- ଏହାପରେ ଆପଣଙ୍କୁ କେତେକ ସର୍ତ୍ତାବଳୀ ଓ ଚୁକ୍ତିନାମା ଦେଖିବାକୁ ମିଳିବ।
- ଏହାକୁ ପଢ଼ି ଶେଷରେ ‘ପଞ୍ଜିକରଣ କରନ୍ତୁ’ ଅପସନରେ କ୍ଲିକ୍ କରନ୍ତୁ।
- ଏହାପରେ ଆପଣଙ୍କୁ ସେଠାରେ ଥିବା ଫର୍ମକୁ ପୂରଣ କରିବାକୁ ପଡ଼ିବ।
- ଶେଷରେ submit ଅପସନରେ କ୍ଲିକ୍ କରନ୍ତୁ।
