ଦୀର୍ଘ ସମୟ କମ୍ପ୍ୟୁଟରରେ ବସିବା, ଚାହା କଫି ବା କ୍ୟାଫେନ୍, ମଦ୍ୟପାନ, ପାଣିପାଗରେ ହଠାତ୍ ପରିବର୍ତ୍ତନ ବା ଅଧିକ ଖରା ହେବା, ମାନସିକ ଚାପ ଓ ଆବେଗ, ଆଲର୍ଜି, ତୀବ୍ର ଆବାଜ୍ ଏବଂ ଆଲୋକ ତଥା ଦାନ୍ତ ସମ୍ପର୍କିତ ସମସ୍ୟା ମଧ୍ୟ ମାଇଗ୍ରେନ୍ ଉତ୍କଟ ହେବାର କାରଣ ହୋଇପାରେ।
ମାଇଗ୍ରେନ୍ ହେଉଛି ପ୍ରକୃତରେ ଏକ ଅବସ୍ଥା ଏବଂ ମୁଣ୍ଡବିନ୍ଧା ହେଉଛି ଏହି ବିକୃତିର ଲକ୍ଷଣ। ମାଇଗ୍ରେନ ମୁଣ୍ଡବିନ୍ଧା ହେଲେ ଯନ୍ତ୍ରଣା ଅସହ୍ୟ ହୋଇଥାଏ। କେତେବେଳେ ଆରମ୍ଭ ହୋଇଯିବ ଓ ଉତ୍କଟ ହେବ ଆଗରୁ ଜଣାପଡ଼େ ନାହିଁ। ଆପଣଙ୍କ ଚାରିପଟର କୌଣସି ବିଷୟ ଏହାକୁ ଉତ୍କଟ କରିପାରେ। ଅବଶ୍ୟ ଆପଣ ଅନେକ ବିଷୟ ନିୟନ୍ତ୍ରଣ କରିପାରିବେ।
କମ୍ପ୍ୟୁଟର୍
ଦୀର୍ଘ ସମୟ ପର୍ଯ୍ୟନ୍ତ ଲ୍ୟାପଟପ୍ କିମ୍ବା ଡେସ୍କଟପ୍ ସାମ୍ନାରେ ବସି ରହିବା କାରଣରୁ ମାଇଗ୍ରେନ୍ ଓ ଟେନସନ୍ ଜନିତ ମୁଣ୍ଡବିନ୍ଧା ବଢ଼ିଯାଇପାରେ। ବିଶେଷକରି ଯଦି ଆପଣଙ୍କର ଏକ ଲୋ ରିଜୋଲ୍ୟୁସନ୍ ମନିଟର୍ ରହିଥାଏ। ସେଗୁଡ଼ିକ ଆପଣଙ୍କ ଆଖି ଉପରେ ଅଧିକ ଚାପ ପକାଇଥାଏ।
ଆପଣ କରିପାରିବେ:
- ମନିଟର୍ ଉପରେ ଏକ ଗ୍ଲେର୍ ସ୍କ୍ରିନ୍ ଲଗାଇବେ।
- ସ୍କ୍ରିନ୍ ଉପରେ ସୂର୍ଯ୍ୟାଲୋକର ପ୍ରତିଫଳନ ପଡ଼ୁନଥିବା ସୁନିଶ୍ଚିତ କରିବେ
- ଅପେକ୍ଷାକୃତ ଭାବେ ବଡ଼ ଆକାରର ଫଣ୍ଟ ବ୍ୟବହାର କରିବେ।
ଉତ୍ତମ ଭଙ୍ଗୀ ଗୁରୁତ୍ୱପୂର୍ଣ୍ଣ ହୋଇଥାଏ। ଏହା ମୁଣ୍ଡ, ବେକ ଓ କାନ୍ଧ ଉପରେ ଚାପ କମ୍ କରିଥାଏ। ପ୍ରତି ଘଣ୍ଟାରେ କିଛି ମିନିଟ୍ ପାଇଁ କମ୍ପ୍ୟୁଟର ନିକଟରୁ ଉଠି ସାମାନ୍ୟ ଚଲାବୁଲା କରିବାକୁ ଭୁଲନ୍ତୁ ନାହିଁ।
ଉଜ୍ଜ୍ୱଳ ଆଲୋକ
ଆଲୋକ ପ୍ରତି ସମ୍ବେଦନଶୀଳତାକୁ କୁହାଯାଏ ଫୋଟୋଫୋବିଆ। ଫ୍ଲୋରୋସେଣ୍ଟ ଆଲୋକ କିମ୍ବା ଧପ୍ ଧପ୍ ହେଉଥିବା ଆଲୋକ ଯୋଗୁଁ ଏହା ଦେଖାଦେଇପାରେ। ଅତ୍ୟନ୍ତ ମନ୍ଦ ବାରମ୍ବାର ଧପ୍ ଧପ୍ ହେଉଥିବା ଆଲୋକ ଆପଣଙ୍କ ମସ୍ତିଷ୍କ କୋଷକୁ ଉତ୍ତେଜିତ କରିପାରେ।
ଆପଣ ଯେତେବେଳେ ବାହାରେ ଥାଆନ୍ତି, ବରଫ କିମ୍ବା ପାଣିରୁ ପ୍ରତିଫଳିତ ସୂର୍ଯ୍ୟାଲୋକ କିମ୍ବା ହଠାତ୍ ମେଘ ଚିରି ସୂର୍ଯ୍ୟାଲୋକ ପଡ଼ିବା ମଧ୍ୟ ମାଇଗ୍ରେନ୍ ଆରମ୍ଭ କରିପାରେ। ସନଗ୍ଲାସ୍ ସହିତ ପୋଲାରାଇଜଡ ଲେନ୍ସ ଗ୍ଲେରର ପ୍ରଭାବ କମ୍ କରିବାରେ ସହାୟକ ହୋଇପାରେ।
ଚାପ
ଦୈନନ୍ଦିନ ଜୀବନର କାର୍ଯ୍ୟସୂଚୀ ମଧ୍ୟ ମାଇଗ୍ରେନର କାରଣ ହୋଇପାରେ – ଯାହାକି ହଠାତ୍ କୌଣସି ପରିବର୍ତ୍ତନ ଜନିତ ଚାପ ଯୋଗୁଁ ହୋଇଥାଏ। ଯଦି ଆପଣ ଏପରି କୌଣସି ଆକସ୍ମିକ ପରିବର୍ତ୍ତନର ସମ୍ମୁଖୀନ ହୁଅନ୍ତି ତେବେ ନିଜକୁ ସୁସ୍ଥ ରଖିବା ପାଇଁ ଆପଣ:
ସ୍ୱାସ୍ଥ୍ୟକର ଖାଦ୍ୟ ଖାଆନ୍ତୁ
ନିୟମିତ ବ୍ୟାୟାମ କରନ୍ତୁ
ଯଥେଷ୍ଟ ସମୟ ଶୁଅନ୍ତୁ
ଚାପମୁକ୍ତ ଅନୁଭବ କରିବା ପାଇଁ ଯୋଗାଭ୍ୟାସ, ବ୍ୟାୟାମ କିମ୍ବା ଧ୍ୟାନ ଅଭ୍ୟାସ କରନ୍ତୁ
ଚାପ ପୂର୍ଣ୍ଣ ପରିସ୍ଥିତିରୁ ଦୂରେଇ ରହିବା ମଧ୍ୟ ସହାୟ ହୋଇପାରେ। ଉଦାହରଣସ୍ୱରୂପ ଯଦି କାର୍ଯ୍ୟକୁ ଡ୍ରାଇଭ୍ କରି ଯିବା କାରଣରୁ ଆପଣ ଚାପଗ୍ରସ୍ତ ଅନୁଭବ କରୁଛନ୍ତି, ବସ୍ କିମ୍ବା ସବୱେ ବିଷୟରେ ବିଚାର କରନ୍ତୁ। ଆପଣଙ୍କୁ ପଢ଼ିବା ଓ ଗୀତ ଶୁଣିବା ମାଧ୍ୟମରେ ଆରାମ ପ୍ରଦାନ କରିପାରେ।
ଆବାଜ୍ ବା କୋଳାହଳ
ତୀବ୍ର ଧ୍ୱନି କିମ୍ବା ବିରକ୍ତିକର ଆବାଜ୍ ମାଇଗ୍ରେନ୍ର କାରଣ ହୋଇପାରେ। ଏହା ଚାପସ୍ତରକୁ ଅଧିକ ବଢ଼ାଇ ଦେଇଥାଏ। ଆବାଜ୍ର ନିର୍ଦ୍ଦିଷ୍ଟ ଶୈଳୀ ମଧ୍ୟ ଅଧିକ ଉତ୍ତେଜକ ହୋଇଥାଏ।
ଯଦି ଆପଣ ଏପରି ସ୍ଥାନକୁ ଯାଉଥାନ୍ତି ଯେଉଁଠାରେ ତୀବ୍ର ଧ୍ୱନି ସାଧାରଣ ହୋଇଥାଏ, ଇୟର୍ ପ୍ଲଗ୍ ପିନ୍ଧନ୍ତୁ, ଆପଣ ମଧ୍ୟ ଶାନ୍ତ ରହିବା ପାଇଁ ସଙ୍ଗୀତ ଶୁଣିପାରିବେ ଏବଂ ଇୟର୍ ବର୍ଡରେ ଗୀତ ଶୁଣିପାରିବେ।
ଖାଦ୍ୟ ଏବଂ ପାନୀୟ
ଆପଣ ଖାଉଥିବା ଖାଦ୍ୟ ମଧ୍ୟ ମୁଣ୍ଡବିନ୍ଧାର କାରଣ ହୋଇପାରେ। ମୁଣ୍ଡବିନ୍ଧା ସୃଷ୍ଟି କରୁଥିବା କେତେକ ସାଧାରଣ ବିଷୟ ହେଉଛି ଏମଏସଜି ଏବଂ ଆଲକୋହଲ୍, ବିଶେଷ କରି:
- ଚାଇନିଜ୍ ଖାଦ୍ୟ
- ରେଡ୍ ୱାଇନ୍
